Tuesday, August 3, 2010
तुझ्या विना ...!
क्षण एक हा जरासे आज हसून घेईन म्हणतो
हसता हसता नकळत थोडे, रडून घेईन म्हणतो…!
हसता हसता नकळत थोडे, रडून घेईन म्हणतो…!
सुख-दु:खाच्या फूटपट्टीचे निकष लावुनी आयुष्या
सरणावर जाण्यापूर्वी, थोडे जगून घेईन म्हणतो…!
सरणावर जाण्यापूर्वी, थोडे जगून घेईन म्हणतो…!
आयुष्याच्या या रंगपटावर खोटे खोटे जगताना
फसवुनी सत्यास, स्वप्नात रंगून घेईन म्हणतो…!
फसवुनी सत्यास, स्वप्नात रंगून घेईन म्हणतो…!
गेले ते दिन गेले सये तव सहवासाचे सोनसळी
साजिरे तव सहवासाचे, क्षण गुंफून घेईन म्हणतो…!
साजिरे तव सहवासाचे, क्षण गुंफून घेईन म्हणतो…!
हा प्रवास युगा युगांचा तुजवीण नको नकोसा
तव आठवणींना सार्या, संगे बांधून घेईन म्हणतो…!
तव आठवणींना सार्या, संगे बांधून घेईन म्हणतो…!
विशाल
Subscribe to:
Post Comments (Atom)
No comments:
Post a Comment