Friday, April 29, 2011
भोवताली आज माझ्या दांभिकांचा गाव आहे...
******************************************
भोवताली आज माझ्या दांभिकांचा गाव आहे
कोण नाही चोर? जो तो भासवी "मी साव आहे!"..
देव तो माझाच होता, माणसांची साथ होती
राहिलो ना तोच मी पण सभ्यतेचा आव आहे...
आरशाला सांगतो मी रोज गोष्टी वंचनेच्या
काळजावर आजही माझ्या पुराणा घाव आहे...
जोडली होती न तेव्हाही कधी नाती सुखांशी
आजही "आहे सुखी मी" हाच खोटा भाव आहे...
सोडले आहे कधीचे माणसांना शोधणे मी
ना कुणाची आस आता, ना कशाची हाव आहे!
वृत्त : व्योमगंगा
लगावली : गालगागा गालगागा गालगागा गालगागा
******************************************
विशाल...
Subscribe to:
Post Comments (Atom)
वाह...मस्तच...
ReplyDeleteशेवटच्या काही ओळी मस्त जमल्यात...
धन्यु सागर :)
ReplyDelete