चांदणदाटी

चांदणदाटी

आठवणींचा चांदणशेला
सुखदुःखाच्या उन्हात ओला
संगत सुटली सुखही रुसले
सखे तुझा गं कृतक अबोला

कातळडोही दबली गाणी
मुग्ध प्रीतिची रम्य कहाणी
तू नसताना मनात माझ्या
अनाम खळबळ गहिरे पाणी

दिस सरताना गंध कुणाचा
मुकी पाखरे स्वर वाऱ्याचा
अशांत डोळी गाणे विरले
झुके पापणी स्वर विरहाचा

भेटीगाठी नदीकिनारी
दरवळलेल्या सुगंध लहरी
जगणे गाणे झाले अलगद
सुखदुःखाच्या आनंदसरी

वेशीवरच्या पारावरती
ओघळले आभाळ सभोती
पाय धुळीचे, खुणा कुणाच्या
तुझ्या सयींची चांदणदाटी

© विशाल कुलकर्णी