गाणे ...

 

भल्या पहाटे रावे उठती 

गाणे आनंदाचे गाती

सुर लेवून येतो पाऊस

चंदनगंधित होते धरती

खुल्या अंबरी चांदणन्हाणी

ओलेती मुग्ध रातराणी

चिंब चांदणगंधित पाऊस

चंद्र गातसे कुठली गाणी ?

हर्षित होती मुक्त काजवे

तेजाचे ते उन्मुक्त थवे

बरसते मन होते पाऊस

वाहुन जाय अंधार त्यासवे 

सावीच्या किरणांतुन कोणी

तेजाचे घट मिरवत राणी

उजळतो तेजाने पाऊस 

सुखे छेडतो आनंद गाणी

© विशाल विजय कुलकर्णी