Thursday, July 22, 2010
पुन्हा एकदा ...
आता नकोच ते उसासे टाकणं,
जुनं आठवून उगाचच चरफडणं !
जुनं आठवून उगाचच चरफडणं !
बेकरीच्या कळकट बरणीतल्या,
ओशटलेल्या केकसारखं बुरसटणं !
ओशटलेल्या केकसारखं बुरसटणं !
नको ते सदोदीत स्वप्नात रमणं,
स्वत:वरच ते पुन्हा पुन्हा वैतागणं !
स्वत:वरच ते पुन्हा पुन्हा वैतागणं !
आता करावं म्हणतो सुरू पुन्हा,
रोज नव्याने नवे नवे रस्ते बांधणं !
रोज नव्याने नवे नवे रस्ते बांधणं !
प्रत्येक वळणावर एखादा नवा,
जुन्यालाही छेदणारा प्रश्न उभारणं !
जुन्यालाही छेदणारा प्रश्न उभारणं !
नकोत उगाळायला चुका जुन्या,
विसरेन म्हणतो रडगाणी उगाळणं !
विसरेन म्हणतो रडगाणी उगाळणं !
आता नव्या हुरूपानं गुंते करणं,
जुन्याच समस्या नव्याने शोधणं !
जुन्याच समस्या नव्याने शोधणं !
कदाचीत या आगळ्या कैफातच,
पुन्हा प्रवाही होईल माझं जगणं !
पुन्हा प्रवाही होईल माझं जगणं !
विशाल
Subscribe to:
Post Comments (Atom)
No comments:
Post a Comment