चित्कला

आदिमाया ती आदिशक्ती
स्वयें चित्कला मायमुक्ती

ज्ञानराज सोपान मुक्तीचा
साधन ते अवघे निवृत्ती

मन मारुनी उन्मन करावे
ज्ञानराया शिकवली युक्ती

त्याग मायेचा मार्ग प्रभुचा
मिटविली चांग्याची भ्रांती

अहं नाम्याचा कच्चे मडके
गोरा म्हणे ती स्वयं भक्ती

क्लेश साहुनी क्षमा करावी
मुक्ती म्हणे मग मिळे शांती

नभात तेजें ज्योत उजळली
माय चित्कला मुक्त जाहली

या गाण्याला श्री. प्रमोदकाकांनी लावलेली चाल इथे ऐकता येइल..




विशाल