Tuesday, August 3, 2010
ये ना ...
ये बाहुपाशी हलकेच प्रियवरा
राजसा, का असा, दुर तू जाशी?
राजसा, का असा, दुर तू जाशी?
सखया तू येना जवळ लवकरी
बघ रे कधीची चांदरात झाली !
बघ रे कधीची चांदरात झाली !
मिठीत तुझीया रे स्वर्ग साती
नाते अपुले, जणु मीन जळाशी,
नाते अपुले, जणु मीन जळाशी,
तु घेना मज कुशीत झडकरी
प्रीतीची ज्वाला मनी भडकली !
प्रीतीची ज्वाला मनी भडकली !
विझवलेले सख्या दीप कधीचे
बहाण्यास तुझ्या.., पडले फशी,
बहाण्यास तुझ्या.., पडले फशी,
धरू नकोस ना राग मजवरी
बघ रात्र सारी उडून चालली !
बघ रात्र सारी उडून चालली !
सोड ना आता रुसवा फुकाचा
कशास फसवे हे कलह प्रियेशी?
कशास फसवे हे कलह प्रियेशी?
पंचप्राण घेवूनी उभी निजकरी
ये.. मिलनवेळा निघुन चालली !
ये.. मिलनवेळा निघुन चालली !
विशाल.
Subscribe to:
Post Comments (Atom)
No comments:
Post a Comment