तू नव्याने एकदा भेटून जा

थांबला पाऊस आहे एकदा येवून जा
पापण्यांच्या कोपऱ्यावर बांध तू घालून जा

पौर्णिमेचा चंद्र आणिक काजव्यांचे ताजवे
झूठ सारे तू नव्याने एकदा भेटून जा

सोडवूनी यार थकलो प्रश्न जगण्याचे किती
उत्तरांच्या संदुकीची झाकणे खोलून जा

माणसे बेताल झाली कायदा होता नवा
तत्व समतेचे जगाला आज समजावून जा

तू तरी कुठवर पुरा पडशील बाबा ईश्वरा
एकदाचे माणसाला सत्य तू सांगून जा

© विशाल कुलकर्णी